Հայաստանի էկոնոմիկայի նախարար Գեւորգ Պապոյանը նամակ է ուղարկել Ռուսաստանի արդյունաբերության եւ առեւտրի նախարար Անտոն Ալիխանովին՝ խնդրելով հնարավորություն տալ մասնակցելու հուլիսի 6-7-ը Եկատերինբուրգում կայանալիք առեւտրատնտեսական ֆորումին։
Ըստ նախարարության ներկայացուցիչների տեղեկացրածի, նախարարը մտադիր է քննարկել ռուսական կողմի հետ Հայաստանից արտահանման առջեւ ծառացած խնդիրները, ինչպես նաեւ ռուսական սանկցիաների հարցը։
Այս պահին, սակայն, նամակին պատասխան դեռ չի ստացվել։ Ռուսաստանի կառավարության շրջանակներում քննարկվում է հարցը՝ արդյոք պետք է մերժել Պապոյանի մասնակցության հայտը, թե՞ ընդունել այն՝ նախարարին ֆորումի ընթացքում որոշակի սահմանափակումներ կամ նվաստացնող դիրքեր առաջարկելով։
Այս իրադարձությունները տեղի են ունենում այն պայմաններում, երբ հայկական կառավարությունը ջանքեր է գործադրում հայ-ռուսական հարաբերությունների կարգավորման ուղղությամբ։