Այսօր Եվրամիության ղեկավարների հետ կայացած հանդիպումների ընթացքում ես շեշտադրել եմ Հայաստանի աշխարհագրական դիրքի փոփոխության մասին։
Իմ խոսքով՝ պատմականորեն մեր երկրի մասին հաստատված էր այն ընկալումը, թե Հայաստանը գտնվում է ոչ թե պարզապես վատ, այլ նույնիսկ սարսափելի աշխարհագրական դիրքում։ Սակայն այսօր ԵՄ-ի գործընկերներից լսել, որ Հայաստանը ունի աշխարհագրականորեն գերազանց դիրք, և հատկապես, որ մեր երկիրը գտնվում է Արևելքի և Արևմուտքի, կամ դրանք իրար կապող ամենակարճ ճանապարհի վրա, շատ խորհրդանշական էր։
Սա, թերևս, արտահայտում է պատմական ժամանակաշրջանի փոփոխությունը։ Մենք միևնույն աշխարհագրական տարածքում գտնվելով՝ քաղաքական գործընթացների արդյունքում անցում ենք կատարում պատմականորեն վատ դիրքից դեպի աշխարհագրականորեն գերազանց դիրք։ Այս աշխարհագրական դիրքը, որը նախկինում օգտագործվում էր մեր բոլոր խնդիրները բացատրելու համար, այժմ ծառայում է ինքնիշխան, ազատ, բարեկեցիկ և անվտանգ երկիր ունենալու մեր տեսլականը իրագործելու համար։