Հայաստանի Հանրապետություն է ժամանել Եվրոպական քաղաքական համայնքի (ԵՔՀ) գագաթնաժողովին մասնակցելու համար եվրոպական երկրների առաջնորդների և միջազգային կազմակերպությունների բարձրաստիճան պաշտոնյաների խումբ։
Այս միջոցառումը համախմբում է շուրջ 50 երկրի ներկայացուցիչների՝ նպատակ ունենալով քննարկել Եվրոպայի առջև ծառացած ամենակարևոր հարցերը։ Գագաթնաժողովի օրակարգում են ընդգրկված մի շարք հիմնարար թեմաներ, որոնցից են ժողովրդավարական կայունության ամրապնդումը, տարածաշրջանային և եվրոպական անվտանգության զարգացող մարտահրավերները, տնտեսական և էներգետիկ անվտանգությունը։
Քննարկումների կենտրոնում է նաև Եվրոպայի ավելի կայուն, անվտանգ և միավորված ապագան ապահովելու համար սերտ համագործակցության և համակարգված գործողությունների կարևորությունը։
Հայաստան արդեն ժամանել են գագաթնաժողովի մասնակիցները։ Ադրբեջանի Հանրապետության նախագահ Իլհամ Ալիևը գագաթնաժողովին կմիանա տեսազանգի միջոցով։ Այս միջոցառումը համարվում է կարևոր հարթակ՝ եվրոպական երկրների միջև քաղաքական երկխոսությունը խորացնելու և տարածաշրջանային համագործակցությունը խթանելու համար։